Defteren Perridankan

Romana nû ya Ciwanmerd Kulek "Defterên Perrîdankan" di nav weşanên Avesta de derket.

"Hemû çûkên ji vir radibin bi baskekî ne. Teqwîma me û siyasetmedaran çucar hevdû nagire. Dema ku em ji xwe re çîrokên Decameronê dibêjin ew li çolan beqan dixesînin. Dixwest êdî di zemanê xwe re biçe. Zemanê nûjenî û tenêtiyê. Bi eşqê dihat nivîsandin, lê bi aşiqê re dihat afirandin. Çinku her tişt li ciyê ku diqediya dest pê dikir, li ciyê ku dest pê dikir diqediya. Bi hêrseke mezin, bêyî ku karibim serê xwe ji ser rakim, roj bi roj bêtir diniqumîm nav vî karê bêdawî. Min fahm dikir ku nivîsîna kitêbekê mîna avakirina Kurdistanekê ye."

"Deftera Perrîdankan" romaneke ku tiştên rojane nîşan dide lê tu caran bi îro ve ne girêdayî ye. Hinekî ta'ma polîsiye dide, ne tenê bi zimanê kurdî bi zimanê kurdistanî jî dinivîse. Ciwanmerd Kulek hêviyên mirov ên li ser pêşeroja romana kurdî geş dike.